A instancia do Centro Integrado de Formación Profesional Politécnico de Lugo, difundimos a través desta nova información sobre a oferta formativa de formación profesional dual.
A formación dual é unha modalidade de formación profesional que ten como finalidade a cualificación profesional das persoas nun réxime de alternancia de actividade laboral nunha empresa coa actividade formativa nun centro educativo (neste caso o CIFP Politécnico); o período de formación na empresa está remunerado e cotiza á Seguridade Social.
Actualmente, dentro desta modalidade formativa este centro ofrece un ciclo medio de construción e dous ciclos superiores, un de proxectos de edificación e outro de construcións metálicas. Todos eles contan cunha porcentaxe de inserción laboral alta.
Pódese acadar máis información no tfno.: 982 220 328, preguntar por Francisco Bran López, responsable da dinamización da FP DUAL do CIFP Politécnico de Lugo.
