A biblioteca pública municipal de OUTEIRO DE REI convoca o CERTAME DE NARRACIÓN E DEBUXO INFANTIL LETRAS GALEGAS 2026 (fase local) para rapaces e rapazas empadroados neste municipio ou matriculados no Colexio Público Laverde Ruíz.
Establécense tres categorías:
- CATEGORÍA A, ata 8 anos.
- CATEGORÍA B, de 9 a 11 anos.
- CATEGORÍA C, de 12 a 16 anos.
Poderán participar todos os escolares con:
- Narracións, en galego cunha extensión máxima de 1 folio por unha soa cara.
- Debuxos, feitos sobre papel ou cartolina de tamaño DIN A4.
Os traballos deberán ter a temática “Medrar Lendo”.
Ao largo da vida, hai momentos que nos cambian: cando aprendemos a ler as nosas primeiras palabras, cando descubrimos un conto que nos fai rir sen parar ou cando atopamos unha historia que parece falarnos directamente ao corazón.
Invitámoste a recordar e contar eses instantes especiais nos que os libros foron os teus compañeiros, axudándote a entender o mundo, a sentirse acompañado e a imaxinar novos camiños.
O prazo de presentación dos traballos permanecerá aberto ata o 11 de maio, poderanse entregar na Biblioteca Pública Municipal ou a conserxe do colexio.