CAMPAÑA DE SENSIBILIZACIÓN POLO 25N_ O RESPECTO É A BASE DE CALQUERA RELACIÓN

Dentro da campaña de sensibilización que organiza o Concello de Outeiro de Rei con motivo da celebración do DÍA INTERNACIONAL DA ELIMINACIÓN DA VIOLENCIA CONTRA A MULLER están previstas varias actuacións:

• A realización o domingo 22 de novembro dunha ANDAINA POPULAR CONTRA A VIOLENCIA DE XÉNERO pola parroquia de Taboi; a andaina partirá ás 11:00 h do Campo da festa de Taboi (situado nas proximidades da igrexa parroquial), que é o punto de encontro, e está aberta á participación de todas as persoas que queiran camiñar conxuntamente para apoiar a loita contra a lacra social que supón a violencia contra as mulleres.
  O percorrido, de aproximadamente 5 km, combina fermosos espazos naturais con patrimonio cultural e ao remate do mesmo está previsto que a concelleira de Servizos Sociais e Igualdade, Mª José Martínez Vigo, realice a lectura do manifesto institucional do Concello de Outeiro de Rei con motivo desta data.
  As persoas interesadas poden recibir máis información na Casa da Cultura, tfno.: 982 393 408.
• Paralelamente, dentro da campaña de sensibilización deste ano, emitiranse a partir do día 21 cuñas de radio en varias emisoras e tamén está previsto que se publique o mércores 25 de novembro un anuncio en varios diarios de prensa, entre eles, El Progreso, La Voz de Galicia e El Correo Gallego.
• Ao igual que en anos anteriores, vanse repartir gratuitamente bolsas reutilizables conmemorativas desta data e que este ano levarán impreso o lema da campaña: O RESPECTO É A BASE DE CALQUERA RELACIÓN. As persoas interesadas poden solicitar a súa nas oficinas municipais do Concello a partir do mércores 25 e ata esgotar existencias. Este material tamén estará dispoñible para a súa recollida na Casa da Cultura e no Centro de Saúde. Nesta distribución colaboran tamén os seguintes establecementos comerciais:
  • • SUPERMERCADO PETEIRA
    • FARMACIA FERNANDO PENAS Y MARTA PUENTE, C.B.
    • PANADERÍA OUSÁ
    • FARMACIA CORTIZAS

Igualmente, repartiranse a través de nenos e nenas usuarios da Escola Infantil Municipal e do servizo de Conciliación Familiar e nas diferentes actividades desta campaña.

Estas accións están financiadas polo Ministerio de Igualdade a través do Pacto de Estado contra a Violencia de Xénero e polo propio Concello de Outeiro de Rei.

Ademais, o propio mércores día 25, está prevista a celebración da charla PREVENCIÓN, DETECCIÓN E PAUTAS DE ACTUACIÓN EN CASOS DE VIOLENCIA DE XÉNERO impartida por un formador do Plan Director da Garda Civil e unha persoa especialista en violencia de xénero do sistema VIOGEM, ambos profesionais da Comandancia da Garda Civil de Lugo.

A charla terá lugar no salón de actos da Casa da Cultura, en horario 16:30 h a 18:30 h e á mesma pode asistir calquera persoa interesada.

O obxectivo con este tipo de accións é sensibilizar e concienciar á poboación co ánimo de  evitar e de erradicar calquera tipo de  violencia de xénero.

TELÉFONOS DE INTERESE EN MATERIA DE VIOLENCIA DE XÉNERO