Olería de Bonxe

A cerámica de Bonxe, unha das cerámicas ancestrais de Galicia, aséntase neste concello.

Numerosas testemuñas falan da súa transmisión hereditaria familiar e Lucas Labrada, en 1809 rexistra a fama da olería de Bonxe nas feiras de Arzúa e Monterroso, entre outras. Sobre a década dos anos 50 aínda a totalidade dos veciños da parroquia vivían da olería (eran oleiros, chamábaselles así porque eran os que facían as “olas” ou cacharreiros).

As boas condicións xeolóxicas da zona favoreceron sempre e mantiveron o bo ritmo de produción dos oleiros.

oleriabonxe18

Progresivamente esta cerámica, seguindo a tónica xeral do resto de artesanías de tradición, foi decaendo; os mestres oleiros foron a menos, poñendo en perigo a continuidade desta artesanía. Non obstante, esta actividade ten continuidade na persoa de Josefa Lombao Ferro, “Pepa”, que herdou a arte do seu pai, Indalecio Lombao Gómez, que foi nomeado pola Mancomunidade de Municipios da Terra Cha Chairego do ano 2006 en recoñecemento ao labor realizada durante toda a súa vida como oleiro e a favor do mantemento desta nobre arte.

VIDEO-Homenaxe a Indalecio Lombao Gómez

Entre os obxectos habitualmente fabricados polos oleiros salientan os barreños (destinados tradicionalmente á fermentación de zorza para embutidos), cazolas de múltiples variedades, cacheleiros, porróns, fontes, tarteiras, chocolateiras, nateiras, pucheiros, xarras, sellas, queixeiras…, a meirande parte destas pezas perderon o seu uso tradicional e na actualidade pasaron a seren obxectos de decoración e ornamentación.

Recoméndase a turistas e amantes da artesanía achegarse no seu paso pola zona ao taller de Pepa, poderán ver o proceso de elaboración de pezas e adquirir algunha, se así o desexan.

OBRADOIRO DE INSTRUMENTOS MUSICAIS XANECO

Fabricación de instrumentos de percusión tradicional.

IDOIA CUESTA

Elaboración de tecidos vexetais: tapices e cestas.