Onte reuniuse no salón de plenos do Concello a Mesa Local de Coordinación Interinstitucional contra a Violencia de Xénero (MLC), que estivo presidida polo alcalde, José Pardo Lombao e que contou tamén coa presenza da maioría de membros, concretamente asistiron:
JOSÉ PARDO LOMBAO, Alcalde do Concello de Outeio de Rei e presidente da MLC
PILAR FERNANDEZ LOPEZ, Xefa Territorial da Xunta en Lugo
Mª JOSÉ MARTÍNEZ VIGO, Concelleira de Servizos Sociais
PILAR MÉNDEZ LOMBAO, Concelleira de deportes
BLANCA ARROJO FARELO, Traballadora social
Mª CARMEN MARTÍNEZ REGUEIRO, Educadora familiar
MARÍA BARREIRO DOMÍNGUEZ, Coordinadora do servizo de condutas aditivas
Mª LUISA CASTRO LÓPEZ, Xefa da Unidade de Violencia de Xénero
MIGUEL BARREIRO PULIDO ,Sarxento da Garda Civil de Rábade
LUCÍA DÍAZ SEIJAS, Directora da Escola Infantil Municipal
NOA PIÑEIRO ADRIO, Directora do CEIP Laverde Ruíz de Outeiro de Rei
LUISA NÚÑEZ CEIDE, Secretaria da Asociación de Mulleres Rurais Santa Isabel
ÁNGEL MANUEL LAGE, Director IES Río Miño de Rábade
Mª SOLEDAD PICÓN ACAL, Técnica de desenvolvemento local e emprego e secretaria da Mesa
Na mesma constatouse a existencia de varios casos activos de violencia de xénero no municipio coas súas respectivas ordes de afastamento e o bo funcionamento da coordinación dos ámbitos relacionados, neste caso fundamentalmente Garda Civil de Rábade e o departamento de servizos sociais do Concello.
Puxéronse en común diferentes actividades realizadas nos diferentes ámbitos educativos e informouse da proposta de actividades para o primeiro semestre do ano, centradas basicamente en actuacións de sensibilización contra a violencia de xénero e de formación en igualdade orientadas ao CEIP Laverde Ruíz, ao servizo municipal de conciliación familiar e tamén ás familias.
Un dos problemas constatados polos membros da MLC e a necesidade de buscar formas para facilitar que pais e nais, a través de charlas ou outros medios, teñan ferramentas adecuadas que axuden a previr e evitar o acoso escolar, o ciberbulling, a violencia…, educando en valores e no respecto. O papel dos pais e nais na educación dos seus fillos e fillas considerase base fundamental da súa educación e por iso deberían ter unha información adecuada por exemplo sobre o uso seguro que fan os seus fillos/as das novas tecnoloxías para así facer fronte aos perigos actuais.
Os membros da MLC decidiron participar nun programa de activación e dinamización das mesas promovido pola Secretaría Xeral de Igualdade e que previsiblemente se levará a cabo a finais do mes de xaneiro.
