Do 18 ao 22 de xullo dezaoito mozos e mozas de Outeiro de Rei puideron aproximarse ao mundo laboral a través da realización de estadías en varias empresas do municipio, concretamente as empresas acolledoras foron as seguintes:
AVIFAUNA. Parque zoolóxico
BEN ALONSO, S.L. Carpintería metálica.
D10 CENTRO DEPORTIVO. Centro deportivo con cafetería e restaurante.
GARATUXA. Residencia de mascotas.
IDEA ALMACÉN DE PAPELERÍA, SL. Venda ao por maior de material escolar, artigos e máquinas de oficina e informática.
LASERLUCUS, S.L.U. Taller de gravado e corte por láser.
MARCELLE NATUREZA. Parque natural de animais.
PAN E PANADERÍA DE OUSÁ, SL. Fabricación e venda de pan, empanadas e bollería.
Ademais destas empresas, tamén colaboraron nesta iniciativa ofrecéndose a acoller: Área 507, Fulgencio Casás Lombao, , Pan do Manuel, Paulino Carral Méndez, Transformacións Agrícolas e Forestais M. Ángel e Xardinería Santa Isabel.
As prácticas realizadas durante cinco días en xornadas diarias de 4 h representaron un primeiro contacto co mundo laboral, unha experiencia que foi moi valorada por todos eles e que lles permitiu coñecer o traballo diario na empresa escollida e colaborar realizando diferentes actividades.
Para completar o programa, realizouse o día 26 unha visita ao Centro de Empresas e Innovación CEI Nodus onde foron informados pola AEDL, Mª José Díaz, dos servizos que ofrece esta entidade aos emprendedores, ademais de realizar un percorrido polas instalacións e de completar a visita cun encontro con promotores de catro interesantes iniciativas empresariais acollidas no centro ademais de recibir unha charla por parte da orientadora laboral do centro.
A xornada rematou no Concello de Outeiro de Rei onde a AEDL municipal mantivo un intercambio de impresións e fixo entrega dos diplomas acreditativos da participación no programa.
A oitava edición desta iniciativa foi promovida e subvencionada polo Concello de Outeiro de Rei.
