VISITA DOS REIS MAGOS
DÍA: MARTES 5 DE XANEIRO
HORARIO: DENDE AS 16:30 h ATA AS 19:30 h
LUGAR: PAVILLÓN DO COLEXIO LAVERDE RUÍZ
Un ano máis, o Concello de Outeiro de Rei con motivo destas datas do Nadal organiza para o día 5 de xaneiro a tradicional visita dos Reis Magos, que está previsto se desenvolva no Pavillón do colexio público Laverde Ruíz dende as 16:30 h ata as 19:30 h.
Este ano e debido aos tempos actuais, redúcese a celebración e tratarase de que os nenos e as nenas poidan facer unha foto cos Reis Magos ofrecendo paralelamente a posibilidade de que os pais ou nais que así o desexen poidan levar un regalo para os seus fill@s (un por nen@), regalos que se recollerán na Casa da Cultura (xunto ao colexio), os días 4 e 5 de xaneiro en horario de oficina e tamén o mesmo martes día 5 pola tarde de 16:30 h a 19:00 h, e serán entregados polas súas maxestades en persoa.
En todo momento se cumprirán as normas hixiénico-sanitarias en vigor motivadas pola covid-19.
