Este venres, día 27 de setembro, terá lugar no salón de actos da Casa da Cultura do Concello de Outeiro de Rei ás 21:00 h a presentación das actividades de inverno de Lecer, cultura, deporte e da Oficina de Información Xuvenil previstas para a tempada 2024-2025.
O prazo de inscrición permanecerá aberto dende o luns 30 de setembro ata o 11 de outubro ou ata cubrir prazas. Pódese recibir máis información ou realizar as inscricións na Casa da Cultura en horario de 10:00 a 14:30 h ou no tfno. 982 393 408.
Como remate do acto haberá uns pinchos variados no Pavillón do Colexio Público Laverde Ruiz.
