A partir do día 19 de xuño, as persoas empadroadas no Concello de Outeiro de Rei que desexen acceder á piscina exterior do D10 poderán beneficiarse de condicións vantaxosas grazas ao acordo acadado entre o Concello de Outeiro de Rei e o Centro Deportivo D10.
Por tal motivo, estableceuse un bono familiar a prezo reducido do que poderán beneficiarse todas as persoas empadroados no mesmo domicilio; o bono poderá utilizarse desde o día 19 de xuño ata finais de agosto. As persoas usuarias tamén terán dereito ao uso dos vestiarios sendo o resto de instalacións de uso exclusivo dos socios do club.
HORARIO DA PISCINA EXTERIOR DE 12:00 h A 21:00 h
Bono de tempada piscina exterior Centro Deportivo D10
Empadroados: 30 € bono familiar tempada de verán
Acompañantes de socio: 4.95 €/día – 19.95 €/semana
Os bonos poderanse solicitar na Casa da Cultura en horario de 10:00 h a 14:30 h a partir do día 15 presentando o DNI e unha fotografía, ambos documentos de todas as persoas beneficiarias do bono e pagando o importe do mesmo.
