O Concello de Outeiro de Rei organiza un Concurso de Narración e Debuxo Infantil dirixido a rapaces e rapazas empadroados neste municipio ou que estean matriculados no Colexio Público Laverde Ruíz.
Contará coas seguintes CATEGORÍAS:
- ata 8 anos
- de 9 a 11 anos
- de 12 a 16 anos
TEMA
Poden participar todos os nen@s, rapaces e rapazas con:
- NARRACIÓNS, en galego cunha extensión máxima dun folio, sobre o tema:“Viaxando por Galicia” na que se contarán historias sobre viaxes, vacacións, andainas …, etc que teñan lugar en calquera lugar de Galicia .
- DEBUXOS, feitos sobre folio de tamaño DIN A4, sobre o tema “ Imos de festa por Galicia”. Os debuxos terán a temática de festas como o entroido, festas gastronómicas, temáticas, concertos, verbenas…etc.
Para poder envialos por correo electrónico poden sacar unha foto ao debuxo ou escanealo, enviando tamén os datos do autor/a.
PRAZO
O prazo de presentación dos traballos permanecerá aberto do 1 ao 25 de maio, e poden enviarse ao correo electrónico xuventude@concellodeouteiroderei.org; tamén poden presentarse de forma física nas caixas de correo habilitados a tal efecto situadas no supermercado Claudio de Outeiro de Rei ou nas oficinas municipais do Concello.
Cada traballo virá acompañado dunha folla cos datos da persoa participante: nome, apelidos, idade, teléfono e dirección.
