O Concello de Outeiro de Rei convoca por sétimo ano o Concurso de Postais Nadal 2022 no que poderán participar rapaces e rapazas que cursen Educación Primaria (EP) e estean empadroados neste municipio ou que estuden no Colexio Público Laverde Ruíz.
As categorías que se convocan son dúas:
CATEGORÍA I: de 1º a 3º de EP
CATEGORÍA II: de 4º a 6º de EP
Os traballos tratarán sobre o Nadal, valorarase a imaxinación, orixinalidade, colorido e calidade da execución, con atención á idade dos nenos e das nenas concursantes; terán que presentarse en formato 15X21 cm (medio folio) e poderán realizarse tanto en sentido horizontal como vertical.
Entre as tarxetas premiadas o Concello seleccionará a de maior puntuación para empregala como felicitación de Nadal.
O prazo de presentación de traballos permanecerá aberto do 1 ao 25 de novembro.
Poden obter máis información nas bases do concurso e na Casa da Cultura (teléf.: 982 393 408).
