En datas recentes chegou ao Concello información de que proximamente estará dispoñible neste municipio o servizo de nova xeración 4G e 5G sobre as bandas de frecuencia de 700 e 800 MHz dos principais operadores móbiles.
Estas redes chegan para mellorar a velocidade de conexión a internet, servizos de TV, vídeo e música baixo demanda, ademais de novos servizos que verán a luz nos próximos tempos para aproveitar o potencial das novas tecnoloxías.
A prestación dos servizos móbiles nestas bandas novas de frecuencia pode conlevar a aparición de determinadas afectacións na recepción do sinal da TDT.
Para resolver ditas afectacións, no caso de que se produzan, a empresa Llega700 é a entidade xestora encargada de resolvelas; a tal efecto, os/as veciños/as teñen a disposición un teléfono gratuíto e unha páxina web para máis información.
O número de teléfono gratuíto para a comunicación das afectacións é:
900 833 999
Tamén pode comunicarse a través da páxina web:
www.llega700.es
Segundo informa a empresa xestora, este servizo gratuíto manterase en funcionamento durante os próximos seis meses.
