Concello de Outeiro de Rei

A Escola Infantil Municipal de Outeiro de Rei foi inaugurada o 14/09/2009 pola Conselleira de Educación, Beatriz Mato e polo alcalde do Concello de Outeiro de Rei, José Pardo Lombao.

Área de actuación: INFANCIA
Tipoloxía: ESCOLA INFANTIL

Persoas usuarias: Nenos/as de 3 meses a 3 anos
Número de prazas: 93 prazas / 6 unidades

Distribución:
1 unidade de 0-1 (8 prazas)
1 unidade de 1-2 (13 prazas)
1 unidade de 0-3 (15 prazas)
3 unidades de 2-3 ( 20+17+20 prazas)

O cadro de persoal do centro está formado por unha directora, unha técnica de apoio, sete educadoras e o psx (persoal de limpeza).

O centro está situado na urbanización Santa Isabel, nas proximidades do espazo natural do Campo de Santa Isabel; ten unha superficie de 780 m² e está dotado con seis aulas, unha aula de usos múltiples, dous patios de xogo (un deles cuberto), zona de descanso, cociña, comedor e baños.

Conta cunha infraestrutura adaptada para os/as nenos/as de preescolar: todas as aulas teñen luz natural, ventilación, elementos de seguridade e están acondicionadas co material educativo necesario para a estimulación das aptitudes e desenvolvemento dos nenos/as, todo baixo a atenta supervisión das traballadoras do centro.

A Escola Infantil permanece aberta durante todo o ano e funciona de luns a venres en horario de 8:00h a 20:00h.