Concello de Outeiro de Rei

O termo municipal de Outeiro de Rei está situado no extremo sur occidental da Comarca da Terra Chá, constituíndo a parte meridional da meseta lucense. Tal e como revela o seu nome, a chaira é unha extensa plataforma lisa, aínda que salpicada de outeiros e leves ondulacións.

Asentado sobre un val de orixe tectónico formado por lousas paleozoicas (con orixe hai 400 millóns de anos) con pequenas incrustacións de granito, e estes á súa vez cubertos por amplos depósitos terciarios e cuaternarios (arxilas, areas, gravas…), pódense observar no seu relevo 3 unidades xeográficas ben diferenciadas: superficies aplanadas (chairas), depresións tectónicas e vales fluviais.

A zona central e oriental do municipio está dominada pola penechaira lucense, que presenta unha altitude media de 400 m sobre o nivel do mar e é bastante homoxénea, aparecendo tan só algún outeiro residual. Nos seus límites dentro do municipio, a meseta ascende en forma de pequenas serras cara á parte occidental do municipio e tamén cara á parte sueste limitando con Lugo; nestes espazos é onde se concentran principalmente as altitudes máis elevadas do municipio.

Algúns dos accidentes xeográficos que superan a citada altitude media son: