CAMPAÑA DE SENSIBILIZACIÓN POLO 25N

Dentro da campaña de sensibilización que realiza este ano o Concello de Outeiro de Rei con motivo da celebración do DÍA INTERNACIONAL CONTRA A VIOLENCIA DE XÉNERO estanse emitindo cuñas de radio en varias emisoras; igualmente, está previsto que se publiquen este mércores sendos anuncios nos diarios El Progreso y La Voz de Galicia. O obxectivo sempre o mesmo: sensibilizar e concienciar á poboación para evitar a lacra social que supón a violencia de xénero.
Tamén, por terceiro ano consecutivo, vanse repartir gratuitamente bolsas reutilizables conmemorativas desta data. As persoas interesadas poden solicitar a súa nas oficinas municipais do Concello este mércores e ata esgotar existencias. Este material tamén estará dispoñible para a súa recollida na Casa da Cultura, e no Centro Médico. Nesta distribución colaboran tamén os seguintes establecementos comerciais:

• SUPERMERCADO CLAUDIO
• FARMACIA FERNANDO PENAS Y MARTA PUENTE, C.B.
• PANADERÍA OUSÁ
• FARMACIA CORTIZAS
• FULGENCIO CASÁS

Igualmente, repartiranse a través de nenos e nenas usuarios da Escola Infantil Municipal e do servizo de Conciliación Familiar.
Estas accións están financiadas polo Concello de Outeiro de Rei e prevese que teñan financiamento do Ministerio de Igualdade a través do Pacto de Estado contra a Violencia de Xénero.

TELÉFONOS DE INTERESE EN MATERIA DE VIOLENCIA DE XÉNERO