A empresa Gdoce, centro de formación e desenvolvemento de capital humano e/ou organización, abriu o prazo de solicitude para o curso de formación EXPERTOS/AS EN TRANSFORMACIÓN DIXITAL, curso que en función da demanda existente poderá realizarse en Outeiro de Rei ou en concellos próximos, sempre que se cubra o número de prazas previstas.

A instancia desta empresa difundimos a seguinte información.

Esta  formación está financiada pola Unión Europea  e pode ser  de gran interese para a poboación menor de 35 anos destinataria desta formación.

Trátase dun proxecto da Xeración Dixital, co obxectivo de acadar as habilidades e o certificado oficial de Expert@ en Transformación Dixital.

Importancia da formación:

  • Atender á gran demanda laboral por parte das PYMES de adecuar as súas empresas no eido dixital.
  • Dar resposta ás necesidades que poidan ter as PYMES á hora de integrar e aplicar as novas tecnoloxías, para cambiar a súa forma de operar e funcionar.
  • Ofertar ás empresas profesionais capacitados na transformación dixital que poidan guiar en todo momento ás PYMES nese proceso de cambio.

Persoas destinatarias: 

Mozos e mozas de ata 35 anos de idade ocupados (en PYMES) ou desempregados coa seguinte formación:

  • Titulación universitaria (ou estar no último ano) ou FP Grao Superior e contando con 6 meses de experiencia laboral (computando dentro de estes as prácticas).
  • FP de Grao Medio, Bacharelato ou Certificado de Profesionalidade de Nivel III e contando con 2 anos de experiencia laboral en TIC (computando dentro de estes as prácticas). 

Sesións:

  • 45 horas presenciais
  • 95 horas online (aula virtual)
  • 10 horas mentorización (creación dun Plan de Transformación Dixital)

Titulación que se obterá:

  • Certificado da Universidade Camilo José Cela (con 15 ECTS).
  • Titulación PMI Project Management Ready Certification.
  • Acceso directo á Bolsa de Emprego da Escola de Organización Industrial (EOI).

Se estás interesad@ podes enviar a folla de pre-inscrición aos seguintes enderezos lucia.hermida@gdoce.es / ana.otero@gdoce.es . Se queres ampliar a información tamén podes contactar nos seguintes números de teléfono: 696469046/ 636936791.

Formación gratuita: expertos en transformación dixital