O Concello de Outeiro de Rei, a través da Escola de Música Asociación Músico Crisanto de Outeiro de Rei, Rábade, Begonte e Friol porá a disposición das parroquias, asociacións e comisións de festas deste municipio que o soliciten, catro actuacións anuais de carácter gratuíto.
As actuacións poderanse programar en horario comprendido entre as 11:00 h e as 20:00 h e terán unha duración aproximada de 45 minutos.
As agrupacións que se poden solicitar son as seguintes:
- Coral
- Grupo de tradicional
Como o número de actuacións é limitado (catro por ano) terán preferencia:
- As parroquias ás que non se lles fose concedida con anterioridade.
- Aquelas actuacións que sexan para festas patronais, con respecto a outras de carácter veciñal.
O prazo de presentación de solicitudes estará aberto do 30 de marzo ao 24 de abril, debendo presentarse no rexistro municipal o modelo cuberto que está á disposición do público nas oficinas municipais e na páxina web do Concello www.outeiroderei.gal.