O Concello de Outeiro de Rei, a través da Escola de Música “Asociación Músico Crisanto” de Outeiro, Rábade, Begonte e Friol porá á disposición das parroquias, asociacións e comisións de festas deste municipio que o solicite un total de catro actuacións anuais de carácter gratuíto; as actuacións poderanse programar en horario comprendido entre as 11:00 h e as 21:00 h e terán unha duración aproximada de 45 minutos.
Agrupacións que se poden solicitar :
- Banda de Música “ Sons e Soños”
- Coral
Como o número de actuacións é limitado (catro por ano) terán preferencia á hora de obtelas:
- As parroquias ás que non se lles concedera con anterioridade .
- As actuacións destinadas ás festas patronais con respecto a outras de carácter veciñal.
O prazo de presentación de solicitudes estará aberto do 17 ao 30 de abril, debendo presentarse no rexistro municipal o modelo de solicitude cuberto, impreso que está á disposición do público nas oficinas municipais e ao que se pode acceder igualmente a través desta nova.
